Mga paglilinaw ng Commission on Human Rights ukol sa distribusyon ng mga cheke mula sa na-prosesong claims ng Human Rights Victims’ Claims Board (HRVCB)

1. Sa pagkakaiba ng HRVCB claimants at Swift class suit

Hiwalay at magkaiba ang proseso ng Human Rights Victims’ Claims Board (HRVCB) sa pagkilala ng mga biktima ng human rights violations noong panahon ng diktaduryang Marcos na makatatanggap ng financial reparation at ang proseso sa ilalim ng kasong isinampa ni Atty. Robert Swift sa Hawaii.

Ang kasong isinampa ni Swift ay sa ngalan lamang ng 9,539 Pilipino na kasama sa nasabing class suit noong 1986. Bilang resulta ng pagkapanalo ng kaso, sila ay makakatanggap ng reparation. Ang proseso ng HRVCB, sa kabilang banda, ay sumasaklaw sa 11,103 approved claimants. Ito ay resulta ng isang proseso ng pagsusuri ng mga aplikasyon para sa claims na nagsimula noong 2014 at nagtapos sa pagsasara ng nasabing opisina noong 12 May 2018.

Ang isang claimant na parte ng Swift class suit ay hindi awtomatiko na kabilang sa mga kinikilalang claims sa ilalim ng proseso ng HRVCB. At ang mga kinikilalang claimants sa ilalim ng HRVCB ay hindi na makatatanggap ng karagdagang financial reparation kung hindi naman sila parte ng class suit na isinampa noong 1986.

2. Sa tungkulin ng Commission on Human Rights (CHR) sa distribution ng HRVCB claims and Swift class suit reparation

Ang Commission on Human Rights (CHR) ay tumutulong lamang sa distribusyon ng financial reparation sa mga miyembro ng Swift class suit. Ang grupo ng Claimants 1081, sa pamumuno ni Zeny Mique, ang itinalagang manguna sa pamimigay ng mga cheke.

TENTATIVE SCHEDULE AND VENUES OF THE 3^rd DISTRIBUTION (SWIFT CLASS SUIT)*

*Any change n the schedule and venue will be announced. Please check the CHR Facebook (@chrgovph) page regularly for any further announcement.

NOTES:  *  May 6 Ramadan – Non-working holiday

              ** May 13 – National Election Day

            *** June 21-22 – Distribution in La Union and Baguio can be done simultaneously

Sa bisa naman ng Joint Resolution no. 4, s. 2019, ay inilipat ang awtoridad sa CHR upang ipagpatuloy ang distribusyon at pagpapalit sa mga cheke na may problema na hindi natapos gawin ng HRVCB noong nagsara ito noong 12 May 2018.

• Sa mga hakbang ng CHR upang ipatupad ang Joint Resolution no. 4, s. 2019

3. Sa mga hakbang ng CHR upang ipatupad ang Joint Resolution no. 4, s. 2019

Noong napirmahan ang Joint Resolution no. 4 noong 22 February 2019, kaagad na sumulat ang CHR sa Landbank of the Philippines upang itanong ang status ng pera na naiwan ng HRVCB na kinalaunan ay bumalik sa Bureau of Treasury. Ang naiwang pondo ay nagkakahalagang PHP 792.628 million.

Kinumpirma ng Bureau of Treasury na ang pondo ay nasa Landbank at nasa ilalim ng pangalan ng nasabing ahensya. Noong 4 March 2019, nag-request muli ang CHR na mailipat ang naturang pondo sa account ng Komisyon. Ngunit bago mailipat ang nasabing halaga, kinailangan muna ayusin ang iba pang administrative requirements, tulad ng aplikasyon ng bond para sa mga signatories ng cheke, pag-request ng check booklets, at iba pa.

Napag-alaman din ng CHR na hindi pa naililimbag sa Official Gazette ang Joint Resolution sa isang pahayagang may pangkalahatang sirkulasyon para magkaroon ng bisa. Kaya kinailangan pang ipalimbag ng CHR ang Joint Resolution, kahit na ito ay napirmahan na, sa Manila Times noong 20 April 2019 para magkaroon ng bisa ngayong Lunes, 6 May 2019—ang araw na kung saan pwede nang simulan ang proseso ng distribusyon ng mga naiwan o pagpapalit ng mga cheke.

4. Mga kailangan ihanda sa pag-claim o pagpapalit ng cheke

• Para sa mga hindi pa nakakapag-claim ng cheke
  • Two (2) valid government issued IDs (with photos)
  • Acknowledgement Receipt
  • Resolution (kung walang Acknowledgement Receipt)

• Para sa mga claimants na may stale na cheke at walang problema sa pangalan na nasa cheke
  • Two (2) valid government issued IDs (with photos)
  • Acknowledgement Receipt
  • Resolution (kung walang Acknowledgement Receipt)
  • Special Power of Attorney
  • Stale check received
  • If the stale check has been lost, ihanda ang Notarized Affidavit of Loss.

• Para sa mga may hawak na cheke at may isyu sa nakapangalan na payee
  • Submission ng Duly Notarized Deed of Extrajudicial Settlement of Estate or Affidavit of Self-Adjudication kung iisa lang ang tagapagmana
  • Paglilimbag sa isang pahayagang may pangkalahatang sirkulasyon nang hindi bababa sa isang beses sa isang linggo sa tatlong (3) magkakasunod na linggo
  • Publisher’s Affidavit of Publication
  • Original or Certified True Copy of the death certificate ng pumanaw na payee
  • Ebidensya ng pagkakaugnay/relasyon ng mga tagapagmana ng pumanaw na payee, tulad ng birth certificate at marriage certificate.
    • Kung hindi maibibigay ang alin sa mga nabanggit, maaring mag-submit ng:
      • Baptismal certificate
      • School records
      • Hospital records
      • Mga larawan mula pagkabata bilang katunayan ng relasyon
  • Valid government issued IDs (with photos) ng mga tagapagmana

Kung ang lahat ng dokumento ay nakahanda at maayos na maibibigay sa CHR, asahan ang resulta ng assessment sa loob ng dalawang linggo. Makakatanggap din ng individual notice mula sa CHR ukol sa status ng pag-claim or pagpapapalit ng cheke.

Maaring isumite ang inyong mga dokumento sa CHR Central Office, SAAC Building, UP Complex, Diliman, Quezon City simula ngayon 6 May 2019. ###